کونول, نه گزیرسن سئیران یئرینده,

عالمده هر شئیین وار اولمایینجا.

اولورا-اولمازا دوست دئییب گزمه,

بیر عهدینه بوتون یار اولمایینجا.

یورو, صوفی, یورو, یولوندان آزما,

ائلین قئیبتینه قویولار قازما.

یورولما بیهوده, بوشونا گزمه,

یانیندا مورشیدین یار اولمایینجا.

قالخدی, هاوالاندی کونولون قوشو,

قووبا, قئیبت ائتمک گونتونون ایشی,

اوستادین تانیماز بوندا هر کیشی,

اونون کیم, مورشیدی ار اولمایینجا.

واریب بیر کونتویه سن اولما نوکر,

چرخینه دوگر ده دولونو دوگر,

نه خودادن قورخار, نه حجاب چکر,

بیر کونتوده ناموس, آر اولمایینجا.

شاه خطای, ائدیم بو سیرری بیان,

کامیلمیدیر جاهیل سوزونه اویان?

بیر باشدان آبلاماق عومره دیر زیان,

ایکی باشدان موهوبب, یار اولمایینجا.

وارساغیلار

قایبدن دلیل گوروندون,

دده م, خوش گلدین, خوش گلدین!

بیزی سئویب سئویندیردین,

دده م, خوش گلدین, خوش گلدین!

ایکی جان ایدیک بیرلشدیک,

محبت قاپیسین آشدیق,

شوکور دیدارا ایریشدیک,

دده م, خوش گلدین, خوش گلدین!

اوستوموزه یول اوبراتدین,

گووهر آلدین, گووهر ساتدین,

ارلیگینی اثبات ائتدین,

دده م, خوش گلدین, خوش گلدین!

بیر آباجدا گوللر بیتر,

دالیندا بولبوللر اوتر,

شاهیما برگوزار گئدر,

دده م, خوش گلدین, خوش گلدین!

بویله, شاه خطایم, بویله,

پیریم دستور وئرسین سویله,

شاها مندن نیاز ائیله,

دده م, خوش گلدین, خوش گلدین!

بیر گوزه لین ووجودونون شهرینه,

باخ, نظر ائیله ده همن عاریف اول,

دوکانیندا دئدیگین متاینا,

باخ, نظر ائیله ده همن عاریف اول.

سئیر ائت اوزگه ارنلرین گوره سین,

طبیب سارار یورگیمین یاره سین,

چرب ائیله مه محبتین چاره سین,

باخ, نظر ائیله ده همن عاریف اول.

هرجایی گوزله قوشما باشینی,

هرجاییلیک ائدیب, آتار داشینی,

موشتری بولورسا, سوز قوماشینی,

باخ, نظر ائیله ده همن عاریف اول.

خطای دئر: - رحم ائتمزم یالانا,

اوزون تسلیم ائدر کندی گلنه,

آی الیدیر, گون موهممد بیلنه,

باخ, نظر ائیله ده همن عاریف اول.